Guðni Þorbergur Theodórsson, dæmdur kynferðisbrotamaður, stundar betl á Benedorm. DV barst myndir frá Spáni þar sem sjá má Guðna halda á skilti sem á stendur: „My ex-wife had a better lawyer“, eða „fyrrverandi konan mín var með betri lögmann“ á íslensku. Myndirnar eru sagðar hafa verið teknar í síðustu viku.
Guðni á að baki mjög langan sakaferil á Íslandi og hefur meðal annars hlotið dóm fyrir blygðunarsemisbrot gegn barni. Í einum nýjasta dóminum á hendur honum, frá árinu 2013, kemur fram að Guðni hefur tuttugu sinnum verið gerð refsing fyrir ýmis brot frá árinu 1988.
Árið 2011 hlaut hann sex mánaða fangelsisdóm fyrir að kasta kjötdiski úr postulíni í þáverandi sambýliskonu sína. Ekki er ljóst hvort að orðin á skiltinu vísi í það mál en Sveinn Andri Sveinsson varði Guðna fyrir dómi en það verður að teljast ólíklegt. Skilti með þessum texta er nokkuð vinsælt hjá þeim sem sníkja pening með þessum hætti.
Árið 2008 hlaut hann dóm fyrir sitt alvarlegasta afbrot en þá var hann dæmdur í sex mánaða fangelsi fyrir kynferðisbrot gegn 13 ára stúlku. Samkvæmt þeim dóm hafði stúlkan nótt eina í byrjun janúar 2005 stolist út um glugga á heimili sínu ásamt vinkonu. Þær fóru svo í samkvæmi á vegum dóttur Guðna á heimili þeirra.
Áfengi var haft um hönd þar en Guðni var framan af sjálfur í öðru samkvæmi. Þar dó stúlkan áfengisdauða, enda að drekka í fyrsta skipti, en rankað við sér í svefnherbergi og var Guðni að káfa á henni. Fyrir dómi bar Guðni fyrir sér að 13 ára vinkona dóttur hans hafi verið að leita að kynlífi.
„Ákærði kvaðst hafa komið í íbúðina í þann mund sem gestir dóttur hans voru að tygja sig til heimferðar. Sjálfur sagðist ákærði hafa verið að koma úr samkvæmi hjá vini sínum og hefði hann verið undir nokkrum áfengisáhrifum. Þegar flestallir gestirnir voru farnir úr íbúðinni sagði ákærði tvær stúlkur, sem hann hefði ekkert þekkt, A og B, hafa birst. Þær hefðu undir það síðasta „hangið“ í íbúðinni og í raun bara verið að leita að einu, kynlífi,“ segir í dómi.
Hann sagðist þó ekki hafa haft áhuga á að ræða við hana. Guðni sagði að síðan hafi hún skyndilega farið á hnén upp í rúmið, flett upp peysunni og sagt: „Þú mátt koma við brjóstin á mér en ég get ekki leyft þér að ríða mér af því að ég er barnapía bróður þíns og ég er bara þrettán ára.“ Hann sagðist hafa afþakkað það.
Vitni sögðust þó hafa séð hann stuttu áður að kyssa stúlkuna fram í stofu. Guðni var ákærður fyrir barnaníð en sýknaður af því þar sem dómari taldi að honum hefði ekki endilega verið ljóst að stúlkan væri einungis 13 ára. Hann var þó dæmur fyrir blygðunarsemisbrot. Þann dóm má lesa í heild sinni hér.
