fbpx
Fimmtudagur 21.febrúar 2019
Fréttir

Gústaf fór úr axlarlið eftir tapleik Íslands á HM

Ragna Gestsdóttir
Laugardaginn 23. júní 2018 13:30

Ekki missa af Helstu tíðindum dagsins í pósthólfið þitt

Lesa nánar

Það hafa líklega fáir Íslendingar farið jafnilla eftir tap okkar gegn Nígeríu í gær eins og Gústaf Níelsson. Gústaf sem er sagnfræðingur að mennt, var eins og kunnugt er lengi viðloðandi stjórnmál hér á landi og komst oft í fréttir vegna kjarnyrtra skoðana sinna.

Hann og Bergþóra kona hans tóku þá ákvörðun í fyrra að flytja til Spánar. Gústaf er virkur á Facebook og segir oft sögur þar af þeim hjónum og Spánarlífinu, þar sem hann talar um sjálfan sig í þriðju persónu.

Fyrr í dag sagði hann frá ólukku sinni sem líklega endar með reynslu af spænska heilbrigðiskerfinu:

Okkar maður er í bókstaflegri merkingu í rusli eftir tap strákanna okkar gegn spræku liði Nígeríu, en þó er ekki öll von úti og segja má að árangur Íslands sé bærilega viðunandi, þrátt fyrir allt.

Merkilegt er hversu ólán íslenska landsliðsins og okkar manns getur farið saman. Okkar maður, og frú Bergþóra brugðu sér niðrí Torrevieja til að sjá leikinn í hópi fjölmargra samlanda og var það hin mesta skemmtun. En hættur leynast við hvert fótmál, eins og í fótboltanum og holur eru víðar í götum, en í henni Reykjavík.

Svo óhönduglega vildi til, er okkar maður var í óða önn að skýra tap strákanna okkar fyrir samferðarfólkinu, að hann sté oní holu í gangveginum og skipti engum togum að honum skrikaði fótur og tókst á loft og þurfti í snarhendingu að huga að mjúkri lendingu, enda engin léttavigt á ferðinni. Okkar maður ákvað að „fórna“ vinstri öxlinni og freista þess að ná „mjúkri lendingu“ slysalaust.

Lendingin var nú ekki mýkri en svo að okkar maður fann strax að eitthvað hafði handleggurinn gengið til í axlarliðnum, en ekki meira en svo að hann small til baka, er samferðarmönnum hafði tekist að drösla honum á fæturna.

Nú er okkar maður að bræða það með sér hvort að hann eigi að leita á náðir spænska heilbrigðiskerfisins eða halda áfram að leggja á ráðin um sóknaraðgerðir gegn Króatíu!!

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 19 klukkutímum

Björn segir tillögurnar espa fólk upp: „Líklegt að það verði verkföll“

Björn segir tillögurnar espa fólk upp: „Líklegt að það verði verkföll“
Fréttir
Fyrir 19 klukkutímum

Marinó: „Ótrúlega ósvífin hræsni að segja að tillögurnar komi þeim tekjulægstu best“

Marinó: „Ótrúlega ósvífin hræsni að segja að tillögurnar komi þeim tekjulægstu best“
Fréttir
Í gær

Segir heilsugæsluna ekki nútímafólki bjóðandi

Segir heilsugæsluna ekki nútímafólki bjóðandi
Fréttir
Í gær

Undir áhrifum fíkniefna með börn í bílnum – Ökumaður í vímu með þungaða unglingsstúlku í bílnum

Undir áhrifum fíkniefna með börn í bílnum – Ökumaður í vímu með þungaða unglingsstúlku í bílnum
Fréttir
Fyrir 3 dögum

Hefur starfsmannaleigan farið illa með verkamennina?

Hefur starfsmannaleigan farið illa með verkamennina?
Fréttir
Fyrir 3 dögum

„Gerendur snúa aftur í samfélagið hvort sem okkur líkar betur eða verr“

„Gerendur snúa aftur í samfélagið hvort sem okkur líkar betur eða verr“