Fréttir

Borgarstjóri á ferð og flugi milli Reykjavíkur og Rússlands

Björn Þorfinnsson
Laugardaginn 23. júní 2018 16:30

Dagur B. Eggertsson, borgarstjóri

Undanfarnir dagar hafa verið annasamir hjá Degi B. Eggertssyni, borgarstjóra Reykjavíkur. Hann flaug til Moskvu og fylgdist með leik Íslands og Argentínu um síðustu helgi en hélt síðan beint aftur heim til Íslands til þess að vera viðstaddur fyrsta borgarstjórnarfund kjörtímabilsins. Með Degi í för var aðstoðarmaður hans, Pétur Ólafsson. Í svari Reykjavíkurborgar við fyrirspurn DV kemur fram að borgarstjóri og aðstoðarmaður hans hafi greitt fyrir ferðina úr eigin vasa og að Dagur muni ekki gegna neinum opinberum embættisverkum ytra.

Dagur staldraði síðan stutt við á Íslandi því hann flaug utan til Volgograd í gær, fimmtudag, þar sem hann hyggst vera viðstaddur leik Íslands og Nígeríu. Þaðan verður förinni haldið áfram til Rostov þar sem Dagur mun vera viðstaddur lokaleik riðilsins milli Íslands og Króatíu. Þessi síðari ferð er hluti af sumarfríi borgarstjórans og með honum í för er bróðir hans og synir þeirra. Reykjavíkurborg ber því engan kostnað af ferðum borgarstjórans til Rússlands.

Íslenskir skattgreiðendur sleppa þó ekki alveg við að borga undir fyrirmenni til Rússlands. Fjölmiðlar höfðu greint frá því að forsetaembættið hefði greitt undir ferð forsetafrúarinnar Elizu Reid og sona hennar til Rússlands þar sem hún var viðstödd leik Íslands og Argentínu. Fram kom að ekki hefði verið um opinbera ferð að ræða en að ferðin félli undir „verk og verksvið forsetafrúarinnar. Meðal annars verkefnið „Team Iceland“,“ eins og kom fram í svari embættisins. Þá greindi Kjarninn frá því að forsetaembættið hefði að auki greitt undir för annars embættismanns til þess að fylgja Elizu Reid út.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Fréttir
Í gær

Heimir eftirsóttur – Fengið fyrirspurnir frá bæði félagsliðum og landsliðum

Heimir eftirsóttur – Fengið fyrirspurnir frá bæði félagsliðum og landsliðum
Fréttir
Í gær

Þjóðin syrgir brotthvarf Heimis: „Takk fyrir allt þú hrausta hetja“

Þjóðin syrgir brotthvarf Heimis: „Takk fyrir allt þú hrausta hetja“
Fréttir
Fyrir 3 dögum

Þetta er ódýrasta áfengið í ÁTVR: „Ekki allar hetjur klæðast skikkjum“

Þetta er ódýrasta áfengið í ÁTVR: „Ekki allar hetjur klæðast skikkjum“
Fréttir
Fyrir 3 dögum

Hæsti hiti ársins í Reykjavík í dag

Hæsti hiti ársins í Reykjavík í dag