Ari Eldjárn, einn allra vinsælasti uppistandari þjóðarinnar, var gestur í breska skemmtiþættinum Mock of the Week á sjónvarpsstöðinni BBC 2 í gærkvöldi, en þátturinn gengur út á það að grínistar fara yfir fréttir vikunnar á glettinn hátt.
Óhætt er að segja að Mock of the Week sé á meðal stærstu skemmtiþátta Bretlands. Hann hóf göngu sína árið 2005 og hefur verið í umsjón grínistans Dara Ó Briain. Hafa ýmsir frægir grínarar stigið þarna á svið, en á meðal þeirra má nefna Michael McIntyre, John Oliver og Katherine Ryan.
Það kemur fáum á óvart að Ari hafi hreinlega farið á kostum, en þáttinn má sjá í heild sinni að neðan.
