Ari Eldjárn, einn allra vinsælasti uppistandari þjóðarinnar, var gestur í breska skemmtiþættinum Mock of the Week á sjónvarpsstöðinni BBC 2 í gærkvöldi. Í þættinum var Ari var fenginn til þess að taka víkingaklappið með áhorfendum með vægast sagt hræðilegum árangri.
Að öðru leyti fór hann á kostum í þættinum sem er á meðal stærstu skemmtiþátta Bretlands. Þátturinn hóf göngu sína árið 2005 og hefur verið í umsjón grínistans Dara Ó Briain. Ýmsir frægir grínarar hafa stigið þarna á svið en á meðal þeirra má nefna Michael McIntyre, John Oliver og Katherine Ryan.
Hér að neðan má sjá misheppnaða tilraun Ara og áhorfenda við víkingaklappið en tilraunin hefst þegar sex mínútur og fimmtán sekúndur eru liðnar af myndbandinu.