Verslunin Adam & Eva, sem selur hjálpartæki ástarlífsins, heitir á viðskiptavini sína ef Ísland ber sigur úr býtum gegn Nígeríu á heimsmeistaramótinu, þá fái þeir sem keyptu vörur dagana 21. og 22. júní allt endurgreitt í formi inneignar í versluninni.
Þeir sem keyptu sér til dæmis kynæsandi undirföt, rólu eða göndul hafa því ærna ástæðu til að styðja landsliðið af fullum krafti á föstudag.