Donald Trump Bandaríkjaforseti hefur undirritað forsetatilskipun þess efnis að hætt verði að skilja að foreldra og börn innflytjenda. Með þessu er Trump að binda endi á mjög svo umdeilda stefnu ríkisstjórnar Bandaríkjanna. BBC greinir frá þessu.
„Þetta snýst um að halda fjölskyldum saman. Ég kann illa við að sjá fjölskyldur aðskildar,“ sagði Trump þegar hann undirritaði tilskipunina í Washington.
Hin umdeilda innflytjendastefna Bandaríkjastjórnar fól í sér aðskilnað barna ólöglegra innflytjenda og foreldra þeirra við landamæri Bandaríkjanna og Mexíkó.