Mótmælendur hröktu Kirstjen Nielsen, ráðherra heimavarnarmála Bandaríkjanna, af mexíkóskum veitingastað í Washington D.C. í gærkvöldi. Neilsen var úti að borða þegar mótmælendur í samtökum sósíaldemókrata mættu á staðinn og kölluðu „skammastu þín!“ í átt að henni.
Tilefni mótmælanna eru aðgerðir Bandaríkjastjórnar gagnvart innflytjendum frá Mexíkó. Fréttir berast nú af því að börn séu skilin frá foreldrum sínum við landamærin og séu jafnvel geymd í búrum.
Trump Bandaríkjaforseti hefur verið harðlega gagnrýndur vegna málsins og hefur Logi Einarsson, formaður Samfylkingarinnar, kallað eftir því að íslensk stjórnvöld fordæmi Bandaríkin.
Einn mótmælandi spilaði upptöku af grátandi börnum í fangelsi í Texas á meðan annar kallaði „hvernig líður þér að heyra þetta?!“.
Einn mótmælandi kallaði: „Á mexíkóskum veitingastað af öllum stöðum!“
Starfsfólk veitingastaðarins reyndi að miðla málum en án árangurs og ákvað Neilsen að yfirgefa staðinn.
Talsmaður ráðuneytisins sagði á Twitter að Neilsen hefði hitt nokkra áhyggjufulla borgara á meðan hún snæddi kvöldmat.
DHS Secretary Nielsen just got driven out of a Mexican restaurant here on 14th Street by activists. DSA, I believe. pic.twitter.com/lTKutryXBO
— Osita Nwanevu (@OsitaNwanevu) June 20, 2018