Brjálaður flugfarþegi náðist á myndband að úthúða flugþjón vegna þess að hann taldi að kalkúnasamlokan hans innihéldi skinku.

Maðurinn var að fljúga með Wizz Air frá Lundúnum til Skopje í Makedóníu á sunnudagsmorguninn. Hann pantaði kalkúnasamloku, sem innihélt kalkúnaskinku, og vatnsflösku. Þegar hann var hálfnaður með samlokuna kallaði hann á flugþjóninn og sagði að það væri svínakjöt í samlokunni sinni. Samlokan var merkt kalkúnaskinka, sagði hann að skinka væri svínakjöt og að hann mætti ekki borða svínakjöt þar sem hann væri múslimi.

Flugþjóninn reyndi að útskýra fyrir honum að orðið „skinka“ væri ekki svínakjöt í þessu tilviki heldur væri verið að vísa til þess hvernig kalkúnninn væri verkaður. Maðurinn trúði henni ekki:

„Ég vinn á veitingastað. Ég veit hvað skinka er. Skinka er svínakjöt. Þetta bragðast ekki eins og kalkúnn, þetta bragðast eins og skinka. Þetta er ekki rétt, þú átt að segja fólki að þetta sé svínakjöt. Ég er múslimi. Þetta er svínakjöt. Hvað er að þér heimska andskotans tíkin þín?“

Annar flugþjónn kom og reyndi að útskýra fyrir manninum að það væri ekki svínakjöt en maðurinn vildi ekki trúa þeim.

Myndbandið var tekið af farþeganum sem sat við hliðina á manninum, segir hann í samtali við Metro að hann hafi pantað sömu samloku og að kalkúnaskinkan hafi ekki bragðast eins og venjuleg skinka heldur eins og kalkúnaskinka.

Maðurinn fékk á endanum endurgreitt þær rúmu 800 krónur sem hann borgaði fyrir samlokuna og vatnsflöskuna.

Myndbandið má sjá hér að neðan: