Kristjana Arnarsdóttir, íþróttafréttakona á RÚV, setti í dag inn hjartnæma færslu á Inststagram þar sem hún segir það forréttindi að fá að vinna við það það sem henni þyki skemmtilegast. Hún þakkar samstarfskonu sinni Eddu Sif Pálsdóttur fyrir að ryðja brautina en þær stöllur hafa þótt standa sig afar vel í umfjöllun um heimsmeistaramótið í Rússlandi.

„Ég ætlaði mér aldrei að fara út í þetta, fannst ég ekki eiga erindi inn í þennan karlaheim. Ef það hefði ekki verið fyrir Eddu Sif að þá hefði ég aldrei talið mig eiga heima þarna. Edda er mín fyrirmynd í einu og öllu og ég dýrka það að við séum að fá að fjalla um heimsmeistaramót karla í fótbolta,“ skrifar Kristjana meðal annars í færslunni sem sjá má í heild sinni hér að neðan.

Hún segir konur eiga fullt erindi í íþróttafréttaheiminn. „Einn daginn hættum við að tala um að konur séu yfir höfuð að starfa við þetta. Þá verður enn skemmtilegra að vera til,“ skrifar Kristjana.

Kristjana er að lifa drauminn

https://www.instagram.com/p/BkM28Fzg99s/?hl=en&taken-by=kristjanaarnars