Ingvi Sævar Ingvason hefur verið ákærður af Héraðssaksóknara fyrir hafa hótað starfsmanni Barnaverndar Reykjavíkur lífláti og líkamsmeiðingum.
Ingvi er í ákæru sakaður um að hafa hótað manninum og því næst ráðist á hann með krepptum hnefa á lofti. Starfsmaðurinn varði sig en í átökum þeirra tognaði hann á hægri öxl og hlaut mar á hægri handlegg.
Atvikið átti sér stað við Þorláksgeisla í Reykjavík þann 17. nóvember árið 2016. Starfsmaður Barnaverndar fer fram á miskabætur að fjárhæð sex hundruð þúsund krónum. Málið verður þingfest við Héraðsdóm Reykjavíkur síðar í mánuðinum.
Ingvi er tvídæmdur fyrir þjófnað á mat. Í fyrra hlaut hann 30 daga skilorðsbundin dóm fyrir að taka samloku í verslun 10-11 í Austurstræti ófrjálsri hendi. Samkvæmt þeim dómi borðaði Ingvi samlokuna.
Árið 2014 var hann dæmdur fyrir að stela matvöru að fjárhæð ríflega þrjú þúsund krónum í 10-11, þá í versluninni við Barónsstíg. Fyrir það hlaut hann þriggja mánaða skilorðsbundinn dóm. Í nýrri dómnum kemur fram að Ingvi á að baki nokkurn sakaferil.
