Yfirvöld í Washingtonríki í Bandaríkjunum hafa höfðað mál á hendur netrisunum Google og Facebook. Málshöfðunin er tilkomin þar sem fyrirtækin hafa ekki farið eftir lögum ríkisins um pólitískar auglýsingar. Samkvæmt lögum ríkisins verða seljendur auglýsinga, í þessu tilfelli Google og Facebook, að halda nákvæma skrá yfir hverjir standa á bak við sérhverja auglýsingu og hverjir fjármagna þær. Þessar upplýsingar þarf að birta opinberlega til að viðhalda gagnsæi.

Þetta segir Bob Ferguson, dómsmálaráðherra ríkisins, um málið. Í málshöfðuninni kemur fram að Facebook og Google hafi ekki fylgt þessum lögum og reglum síðan 2013. Lögin ná til allra sem selja auglýsingar og skiptir þá engu hvort um netrisa er að ræða að staðarblaðið í litlum bæ segir í tilkynningu frá Ferguson.

Stjórnmálamenn og stjórnmálahreyfingar í Washington hafa upplýst að Facebook hafi fengið 3,4 milljónir dollara frá þeim vegna auglýsinga á undanförnum áratug. Google fékk á sama tíma 1,5 milljónir dollara.