Knattspyrnumarkvörðurinn Hannes Þór Halldórsson er maður margra hæfileika, eins og sjá má á HM-auglýsingu sem hann leikstýrði fyrir vörumerkið Coca-Cola.
Auglýsingin er listilega samsett, metnaðarfull og sýnir knattspyrnumenningu Íslands og landslag í fullri dýrð. Auglýsingin er sögð hafa tekið 7 mánuði í framleiðslu og fóru tökur fram í San Fransisco, Reykjavík, Hveragerði, Sandgerði, á Ísafirði og Akureyri.
Koma má þarna auga á ýmsa þjóðþekkta Íslendinga, meðal annars Eið Smára Guðjohnsen, Sunnu Rannveigu Davíðsdóttur, Gunnar Nelson, Emmsjé Gauta og Guðmund Benediktsson.