Fréttir

Dagur Hoe Sigurjónsson neitar að hafa myrt Kelvin Sula á Austurvelli – Einnig ákærður fyrir morðtilraun

Kristján Kristjánsson
Þriðjudaginn 12. júní 2018 06:04

Aðalmeðferð í máli ákæruvaldsins gegn Degi Hoe Sigurjónssyni hófst í Héraðsdómi Reykjavíkur í gær. Dagur er ákærður fyrir að hafa orðið Kelvin Sula, sem var frá Albaníu, að bana á Austurvelli í desember. Dagur er ákærður fyrir að hafa veist að Kelvin með hníf að vopni og stungið hann nokkrum sinnum, þar á meðal í bak, vinstri öxl og vinstra megin í bringuna.

Dagur neitar sök í málinu. Fréttablaðið skýrir frá þessu í dag.

Stungan vinstra megin í bringuna olli banvænu sári en hnífurinn fór þá inn í hjarta Kelvin sem lést á sjúkrahúsi fimm dögum eftir árásina. Dagur er einnig ákærður fyrir tilraun til manndráps en hann er sakaður um að hafa ráðist á vin Kelvin, Elio Hasani, og veitt honum áverka, skurðsár, á baki, vinstri öxl, upphandlegg og vinstri kálfa en sá áverki náði að slagæð og olli slagæðablæðingu.

Dagur er 25 ára gamal og hefur aldrei hlotið dóm. Þegar hann var handtekinn, skömmu eftir atburðina á Austurvelli, var hann í annarlegu ástandi.

Dagur sagði fyrir dómi í gær að Kelvin og Elio hefðu átt upptök að átökum þeirra á milli. Hann bar fyrir sig minnisleysi um atburðarrásina en hann sagði hafa fengið höfuðhögg í átökunum og muni ekki hvað gerðist eftir það.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Gústaf fór úr axlarlið eftir tapleik Íslands á HM

Gústaf fór úr axlarlið eftir tapleik Íslands á HM
Fréttir
Fyrir 2 dögum

Kristín var rangfeðruð en fann föður sinn á fimmtugsaldri: „Ágætt að hann hét líka Jón“

Kristín var rangfeðruð en fann föður sinn á fimmtugsaldri: „Ágætt að hann hét líka Jón“
Fyrir 2 dögum
Leki og lygar
Fréttir
Fyrir 3 dögum

Sjáðu stemninguna á Secret Solstice þar sem leikur Íslands og Nígeríu var sýndur: Tattúmeistari, víkingar og bleikskeggjaður Vestfirðingur

Sjáðu stemninguna á Secret Solstice þar sem leikur Íslands og Nígeríu var sýndur: Tattúmeistari, víkingar og bleikskeggjaður Vestfirðingur
Fréttir
Fyrir 3 dögum

Myndband: Þúsundir tóku víkingaklappið í Gilinu á Akureyri

Myndband: Þúsundir tóku víkingaklappið í Gilinu á Akureyri