Amma á sjötugsaldri hefur verið ákærð fyrir að stefna börnum í hættu eftir að myndband náðist af henni vera að flytja barnabörn sín í hundabúrum í skotti á jeppa.
Hin 62 ára Leimome Cheeks mun hafa látið börnin, 8 ára og 7 ára, vera í búrunum í skottinu vegna þess að ekki var pláss í sætunum. Samkvæmt lögreglunni í Memphis í Tennessee í Bandaríkjunum var engin loftræsting í bílnum og hitinn hafa verið rúmar 35 gráður í búrunum.
Nágranni konunnar segir í samtali við WREG í Memphis að Cheeks sé alls ekki manneskja sem myndi gera svona, hún sé indæl og reglusöm. Cheeks var handtekin í gær og gisti fangageymslur í nótt.