fbpx
Fimmtudagur 13.desember 2018
Fréttir

Sjáðu augnablikið þegar skemmdarvargur gekk inn á safnið og stórskemmdi fokdýrt listaverkið

Ritstjórn DV
Sunnudaginn 6. maí 2018 22:00

Bandarísk löggæsluyfirvöld hafa gefið út handtökuskipun á hendur fertugum Breta sem grunaður er um að hafa eyðilagt listaverk sem metið er á þrjár milljónir Bandaríkjadala, um 300 milljónir króna. Listaverkið er í eigu föður hans.

Atvikið átti sér stað í Opera Gallery í Aspen í Colorado og á eftirlitsmyndavélum má sjá þegar maðurinn, sem sagður er heita Nicholas Morley, gengur inn á listasafnið með rakvélablað í höndinni. Hann gengur svo rakleitt upp að listaverki eftir listamanninn Christopher Wool og sker það tvisvar.

Ekki liggur fyrir hvað Nicholas gekk til en hann er talinn hafa ferðast alla leið frá Bretlandi til Bandaríkjanna til þess eins að eyðileggja verkið. Atvikið átti sér stað þann 1. maí í fyrra en myndband af skemmdarverkinu hefur ekki litið dagsins ljós fyrr en nú.

Lögregla hefur rannsakað málið undanfarið ár en hefur ekki tekist að hafa hendur í hári Nicholas. Faðir hans, Harold, sagði við yfirheyrslur hjá lögreglu skömmu eftir skemmdarverkið að Nicholas ætti verkið með honum. Síðar dró hann þann framburð til baka og sagði að Nicholas hefði aðeins komið að gerð kaupsamnings þegar verkið var keypt. Er talið ljóst að skemmdarverkið tengist einhverjum deilum um eignarhald á verkinu.

Nicholas þessi hefur áður komist í kast við lögin en hann var ákærður fyrir manndráp af gáleysi í Makedóníu árið 2007. Hann hafði tekið þátt í Gumball 3000-kappakstrinum þegar hann missti stjórn á Porsche 911-bifreið sinni með þeim afleiðingum að eldri hjón létust. Hann var dæmdur í tveggja ára skilorðsbundið fangelsi.

Harold sendi forsvarsmönnum Opera Gallery bréf skömmu eftir skemmdarverkið að auðvelt væri að gera við verkið. Aðeins væri um litlar skemmdir að ræða sem yrðu ekki sýnilegar eftir viðgerð.
Þrátt fyrir það hefur Nicholas verið ákærður og hefur handtökuskipun verið gefin út á hendur honum, sem fyrr segir.

 

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Bára fengi peningana sem myndu safnast en Tryggingastofnun tæki vextina

Bára fengi peningana sem myndu safnast en Tryggingastofnun tæki vextina
Fréttir
Í gær

Spádómur Stefáns um dómsmálið gegn Báru: „Ákveðinn hópur fólks verður búinn að gleyma smáatriðum málsins“

Spádómur Stefáns um dómsmálið gegn Báru: „Ákveðinn hópur fólks verður búinn að gleyma smáatriðum málsins“
Fréttir
Í gær

Ágúst Ólafur sagði ósatt um tilkynningu sína – Sagði samstarfsfólki að hún væri í samráði við Báru Huld en svo var ekki

Ágúst Ólafur sagði ósatt um tilkynningu sína – Sagði samstarfsfólki að hún væri í samráði við Báru Huld en svo var ekki
Fréttir
Í gær

Hamd dæmdur í tveggja og hálfs árs fangelsi fyrir nauðgun á Hressó

Hamd dæmdur í tveggja og hálfs árs fangelsi fyrir nauðgun á Hressó
Fréttir
Fyrir 2 dögum

Hallgerður gagnrýnir ofnotkun hundaeigenda á ferðabúrum: „Þetta er dapurleg lausn, byggð á algerum misskilningi“

Hallgerður gagnrýnir ofnotkun hundaeigenda á ferðabúrum: „Þetta er dapurleg lausn, byggð á algerum misskilningi“
Fréttir
Fyrir 2 dögum

Finnst þér að Ágúst Ólafur eigi að segja af sér þingmennsku? Segðu þína skoðun

Finnst þér að Ágúst Ólafur eigi að segja af sér þingmennsku? Segðu þína skoðun