Óhætt er að segja að laugardagurinn 28. apríl síðastliðinn renni Kanadamanninum Ping Kuen Shum seint úr minni. Þennan dag upplifði hann sinn besta dag og verður hann væntanlega seint toppaður.

Ping átti ekki bara afmæli þennan dag og hann var ekki bara að vinna síðasta vinnudaginn áður en hann færi á eftirlaun. Hann nefnilega ákvað að kaupa sér lottómiða þennan dag og um kvöldið varð hann milljónamæringur þegar hann vann sem nemur 150 milljónum króna í lottóinu.

Útdrátturinn fór fram í Bresku-Kólumbíu og voru lukkutölurnar 9, 12, 13, 18, 21 og 29.

„Það er ótrúlegt að þetta hafi allt gerst sama dag,“ sagði Ping við kanadíska fjölmiðla. „Ég hef unnið mikið og lagt hart að mér síðustu og get ekki beðið eftir að deila þessum vinningi með fjölskyldu minni.“