Fréttir

Mikil reiði vegna tölvuleiks: Börn setja sig í hlutverk byssumanns í skóla

Ritstjórn Pressunnar
Fimmtudaginn 31. maí 2018 11:20

Rúmlega 120 þúsund manns hafa skrifað undir áskorun þess efnis að tölvuleikurinn Active Shooter verði bannaðar. Tölvuleikurinn sem um ræðir er að vísu ekki kominn út, en ef allt gengur eftir hjá framleiðendum leiksins verður hann aðgengilegur á Steam þann 6. júní næstkomandi.

Eins og nafnið gefur til kynna er um að ræða tölvuleik þar sem byssumaður gengur laus. Fréttir af óhugnanlegum skotárásum, þá sérstaklega í skólum í Bandaríkjunum, hafa vakið óhug margra og eru margir þeirrar skoðunar að takmarka þurfi byssueign Bandaríkjamanna.

Í Active Shooter geta spilarar sett sig í hlutverk byssumanns sem gengur laus í ónefndum skóla í Bandaríkjunum. Þá geta þeir einnig sett sig í hlutverk lögreglumanna sem reyna að stöðva byssumanninn. Í einu skjáskoti sem dreift hefur verið um netið má sjá fjölda þeirra lögreglumanna og óbreyttra borgara sem byssumaðurinn hefur skotið. Virðist eitt af markmiðunum vera að drepa sem flesta.

Þó að leikurinn sé ekki ætlaður börnum eru börn og unglingar stærsti aldurshópurinn sem spilar tölvuleiki. Hafa aðstandendur undirskriftasöfnunarinnar áhyggjur af því hvaða skilaboð leikurinn sendir og áhrifum sem hann hefur á börn og unglinga sem hugsanlega standa höllum fæti félagslega.

Fjölmargir hafa gagnrýnt leikinn, þar á meðal stjórnmálamenn og aðstandendur þeirra sem hafa látist í skotárásum í Bandaríkjunum. Forsvarsmenn Active Shooter útiloka ekki að sá möguleiki verði tekinn úr leiknum að setja sig í hlutverk byssumannsins. Eingöngu verði hægt að setja sig í hlutverk lögreglumanna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Landlæknisembættið varar við misnotkun á ávanabindandi lyfjum

Landlæknisembættið varar við misnotkun á ávanabindandi lyfjum
Fréttir
Fyrir 2 dögum

Samgöngustofa kyrrsetur flugflota Flugakademíu Keilis

Samgöngustofa kyrrsetur flugflota Flugakademíu Keilis
Fréttir
Fyrir 3 dögum

Bubbi borgar en ekki RÚV: „RÚV virðist vera að sækjast eftir rétti til þess að dreifa ærumeiðandi ummælum“

Bubbi borgar en ekki RÚV: „RÚV virðist vera að sækjast eftir rétti til þess að dreifa ærumeiðandi ummælum“
Fréttir
Fyrir 3 dögum

Valdís varar við ferðamönnum sem sigla undir fölsku flaggi – Lenti í einum slíkum sjálf: „Hann hefur tekið sér góðan tíma í að leita“

Valdís varar við ferðamönnum sem sigla undir fölsku flaggi – Lenti í einum slíkum sjálf: „Hann hefur tekið sér góðan tíma í að leita“