Fréttir

Rússneski blaðamaðurinn sem allir töldu að hefði verið drepinn í gær mætti sprelllifandi á blaðamannafund

Ritstjórn DV
Miðvikudaginn 30. maí 2018 15:03

Rússneski blaðamaðurinn Arkady Babchenko, sem greint var frá í gær að hafi verið myrtur í Úkraínu, er raunar sprelllifandi. Arkady gekk inn á blaðamannafund í Kænugarði í hádeginu og er óhætt að segja að margir hafi rekið upp stór augu.

Vasily Gritsak, yfirmaður úkraínsku leyniþjónustunnar, sagði á umræddum blaðamannafundi að stofnunin hefði í raun sviðsett dauða Arkady. Markmiðið hefði verið að ná mönnum sem sannarlega eru að reyna að drepa hann.

Í gær greindu allir stærstu fjölmiðlar heims frá því að Arkady hefði verið skotinn á heimili sínu í Kænugarði. Eiginkona hans hefði fundið hann í blóði sínu.

Arkady hefur löngum verið gagnrýninn á rússnesk stjórnvöld og er hann sagður vera þyrnir í augum þeirra sem völdin hafa. Honum og fjölskyldu hans hafði oft verið hótað líkamsmeiðingum og jafnvel dauða vegna umfjöllunar sinnar um rússnesk stjórnvöld. Af þeim sökum flutti hann frá Rússlandi.

Arkady mætti á blaðamannafundin í dag og þakkaði öllum þeim sem syrgðu hann. Anton Geraschenko, úkraínskur þingmaður, sagði á blaðamannafundinum að aðgerðin hefði heppnast fullkomlega og endað með handtöku manns sem var að skipuleggja morð á Arkady.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Landlæknisembættið varar við misnotkun á ávanabindandi lyfjum

Landlæknisembættið varar við misnotkun á ávanabindandi lyfjum
Fréttir
Fyrir 2 dögum

Samgöngustofa kyrrsetur flugflota Flugakademíu Keilis

Samgöngustofa kyrrsetur flugflota Flugakademíu Keilis
Fréttir
Fyrir 3 dögum

Bubbi borgar en ekki RÚV: „RÚV virðist vera að sækjast eftir rétti til þess að dreifa ærumeiðandi ummælum“

Bubbi borgar en ekki RÚV: „RÚV virðist vera að sækjast eftir rétti til þess að dreifa ærumeiðandi ummælum“
Fréttir
Fyrir 3 dögum

Valdís varar við ferðamönnum sem sigla undir fölsku flaggi – Lenti í einum slíkum sjálf: „Hann hefur tekið sér góðan tíma í að leita“

Valdís varar við ferðamönnum sem sigla undir fölsku flaggi – Lenti í einum slíkum sjálf: „Hann hefur tekið sér góðan tíma í að leita“