Het Laatste Nieuws segir að Herman hafi myrt fyrrum klefafélaga sinn úr fangelsi áður en hann réðst á lögreglukonurnar aftan frá og stakk þær með hníf. Hann náði síðan skotvopnum þeirra og skaut þær til bana. Því næst skaut hann ungan karlmann til bana en sá sat í bíl sínum. Eftir það fór hann inn í skóla og tók ræstingakonu sem gísl. Hún slapp ómeidd frá hildarleiknum en lögreglan skaut Herman til bana.
Herman var að afplána dóm en hafði fengið leyfi til útivistar úr fangelsinu skömmu fyrir morðin en hafði ekki skilað sér aftur á tilsettum tíma.
Belgísk yfirvöld segja að ýmislegt bendi til að hér hafi verið um hryðjuverk að ræða en Herman var á lista yfirvalda yfir hugsanlega öfgasinna.