Níu manns, þar á meðal níu ára stúlka, létust af völdum eldinga í héraðinu í síðustu viku. Eldingar eru algengar á Indlandi þegar monsúnrigningar herja á landið en monsúntímabilið hefst venjulega í júní og stendur fram í september. Í Andhra Pradesh fjölgar eldingum þó þegar líður að monsúntímanum.
En óveðrið í síðustu viku var mjög óvenjulegt og öflugt því í maí mælast að jafnaði um 30.000 eldingar í maí og mun færri í apríl.
BBC segir að sumir vísindamenn telji að gróðurhúsaáhrifin og hnattræn hlýnun valdi því að eldingum fjölgi.
Samkvæmt tölum frá indverskum yfirvöldum látast um 2.000 manns á ári af völdum eldinga en hlutfall dauðsfalla þar af völdum eldinga er miklu hærra en í þróuðum ríkjum heimsins. Ástæðurnar eru meðal annars skortur á viðvörunarkerfum og að margir vinna utandyra og eru því berskjaldaðir fyrir eldingum.