Fjölnir vann góðan sigur í Pepsi-deild karla í kvöld er liðið mætti Víkingi Reykjavík í sjöttu umferð.
Þórir Guðjónsson kom Fjölni yfir strax á sjöundu mínútu í kvöld áður en Almarr Ormarsson bætti við öðru.
Þórir gat svo bætt við öðru marki ekki löngu seinna úr vítaspyrnu en honum brást bogalistin og staðan í hálfleik 2-0.
Alex Freyr Hilmarsson lagaði stöðua fyrir Víkinga undir lokin en það dugði ekki til. Fjölnismenn eru nú með níu stig eftir sex umferðir. Víkingar eru með sex stig.
KR vann þá góðan heimasigur á KA þar sem þeir Björgvin Stefánsson og Kennie Chopart voru á skotskónum.
KR lyfti sér í fimmta sæti deildarinnar með sigrinum og er með níu stig en KA í 10. sæti með aðeins fimm stig.
Víkingur R. 1-2 Fjölnir
0-1 Þórir Guðjónsson(7′)
0-2 Almarr Ormarsson(25′)
1-2 Alex Freyr Hilmarsson(86′)
KR 2-0 KA
1-0 Björgvin Stefánsson(44′)
2-0 Kennie Chopart(57′)