Lögreglan á höfuðborgarsvæðinu leitar nú að bíl sem stolið var frá Blesugróf fyrr í dag, 26.apríl, rétt eftir hádegi. Um er að ræða dökk gráan Toyota Aygo, árgerð 2007, skráningarnúmer MU 513 en eins bíl má sjá á meðfylgjandi mynd. Lyklum af bifreiðinni var stolið og bifreiðin tekin í kjölfarið.
Bifreiðin er með tjón á vinstra framhorni og ljóskerið brotið – bifreiðin er s.s. ljóslaus öðru megin að framan. Einnig má sjá skemmdir á sílsalista, neðan ökumannshurðar. Sjái fólk bifreiðina, kyrrstæða eða á ferð, skal hringja strax í 112.