Rapparinn Pusha T gaf það upp í viðtali nú í vikunni að Kanye West hafi borgað tæplega níu milljónir fyrir myndina sem prýðir umslag nýjustu plötu hans. Myndin er af baðherbergi söngkonunnar Whitney Houston og var tekin árið 2006. Á myndinni sést glitta í krakkpípu, hvítt duft og áfengi.
Myndin var tekin í leyfisleysi af ættingja Houston og var upphaflega birt í National Enquirer. Pusha T sagðist sjálfur ekki hafa verið til í að borga fjárhæðina en Kanye hafi verið harðákveðinn að myndin yrði að vera á plötuumslaginu. West er einn af framleiðendum plötunnar sem ber nafnið DAYTONA og kemur út í dag.
Whitney Houston lést árið 2012. Hún fannst látin í baðkari á Beverly Hilton hótelinu í Beverly Hills. Dánarorsökin samkvæmt réttameinafræðing var drukknun en hjartveiki og kókaínneysla voru einnig talin hafa haft áhrif.
— KANYE WEST (@kanyewest) May 25, 2018