„Bjórdrykkjumenn á leið til Íslands ættu kannski að endurskoða málið áður en þeir panta bjór fyrir mannskapinn,“ segir í frétt hjá miðlinum Nine en þar var birt könnun frá ferðaskrifstofunni Intrepid Travel um verð á bjór í ýmsum löndum.
Könnunin reiknaði út hversu marga bjóra væri hægt að fá á veitingastöðum fyrir 20 ástralska dollara eða rúmlega 1600 íslenskar krónur og var bjórinn sagður langdýrastur á Íslandi.
Á móti er hann sagður ódýr í Egyptalandi, Mexíkó, Mýranmar, Kenýu og Búrma en ódýrasta bjórinn að finna í Víetnam og kostar stykkið þar um 108 krónur á meðan íslenski kostar um 1200 kr.