Lögreglustjórinn í Vestmannaeyjum hefur gefið út ákæru á hendur karlmanni sem skrifaði hatursfull ummæli við frétt DV.is en umrædd frétt sneri að Semu Erlu Serdar. Maðurinn skrifaði ummælin undir nafni eiginkonu sinnar sem í kjölfarið sætti töluverðu aðkasti á samfélagsmiðlum. Fréttablaðið greinir frá útgáfu ákærunnar í dag.
Umrædd frétt DV.is birtist á vefnum þann 3.júlí 2016 undir fyrirsögninni „Sema Erla sökuð um herferð gegn Útvarpi Sögu: Birtir hatursfull skilaboð.“ Var greint frá því að Sema Erla Serdar, formaður Samfylkingarinnar í Kópavogi, hefði lagt fram spurningu þess efnis á Facebok-síðu sinni hvort Útvarp Saga ali á fordómum og hatri hjá fólki. Sjálf var Sema sökuð um að tengjast herferð þar sem auglýsendur voru hvattir til að sniðganga Útvarp Sögu. Í samtali við DV sagist Sema Erla ekki koma nálægt herferðinni, þó hún fagni henni.
Maðurinn sem ákærður er skyldi eftir athugasemd í kommentakerfi, en undir nafni og starfsheiti eiginkonu sinnar. Maðurinn ritaði eftirfarandi:
„Vona að Sema Erla Serðir farist í næstu hryðjuverkaárás skítmenna af hennar tagi (múslimaskítmenna).“
Fram kemur í ákæru að ummæli mannsins feli í sér „ógnun, háð, rógburð og smánun á opinberum vettvangi í garð ótiltekins hóps manna hér á landi vegna trúarbragða þeirra.“
Lögreglan í Vestmannaeyjum átti frumkvæði að því að málið var rannsakað og endaði fyrir dómi. Aðalmeðferð málsins fer fram í dag og er Sema Erla meðal þeirra sem bera vitni.
Sema Erla tjáði sig meðal annars um ummælin í samtali við DV í apríl á síðasta ári. Aðspurð um hvað væri það versta sem sagt hefði verið um hana svaraði hún:
„Verst af öllu þykir mér þegar fjölskyldu minni er blandað inn í hatrið gegn mér og skrifuð eru ummæli um foreldra mína. Það þykir mér vera mesta lágkúra sem til er. Annars koma ummæli eins og „vona að Sema Erla Serðir farist í næstu hryðjuverkaárás skítmenna af hennar tagi (múslimaskítmenna)“