Viðar Freyr Guðmundsson, rafeindavirki sem skipar 6. sæti á lista Miðflokksins, nýtir sér raunverulegt umferðarslys til að slá pólitískar keilur. Hann birtir mynd af slysi og tekur sjálfur fram að hann viti ekkert um slys á fólki.
Viðar skrifar á Facebook-síðu sína: „Hættulegustu gatnamót landsins rétt í þessu. Tveir bílar ónýtir. Veit ekki með slys á fólki. Því miður eru engin áform um að laga þetta neitt. Það eiga bara allir að taka strætó.“
Þegar þessi frétt er skrifuð var ein athugasemd komin á færsluna, frá Svafari Helgasyni Pírata. „Smekklegt að gera svona að kosningaáróðri,“ skrifar Svavar. Þessu svarar Viðar Freyr: „Enn ósmekklegra er að skella skollaeyrum við vandanum. Nú er tíminn fyrir stefnubreytingar.“