Lögreglan stöðvaði ökumann í Kópavogi rétt fyrir kl. 1 í nótt, í ljós kom að hann var með umtalsvert magn af landa í bílnum. Hann var handtekinn grunaður um sölu áfengis.
Nóttin var annars róleg hjá Lögreglunni á höfuðborgarsvæðinu, fyrir og um miðnætti voru þrír ökumenn stöðvaðir grunaðir um ölvun við akstur.
Upp úr kl. 3 í nótt var bifreið stöðvuð í austurbænum með þremur aðilum í. Enginn vildi kannast við að hafa ekið bifreiðinni og því voru allir handteknir.