Fréttir

Frambjóðandi Karlalistans var gómaður við innbrot og þjófnað

Ritstjórn DV
Miðvikudaginn 16. maí 2018 09:55

Stefán Páll Páluson, frambjóðandi í þriðja sæti á lista Karlalistans í Reykjavík, var í fyrra dæmdur í 30 daga skilorðsbundið fangelsi fyrir þjófnað. Hann var sakfelldur fyrir að hafa á árinu 2016 brotist inn í nýbyggingu við Garðatorg 2-4 og stolið þaðan borvélum, stingsög, hersluvél og rafhlöðu, svo nokkuð sé nefnt.

Hann játaði brot sín skýlaust og var dæmdur til að greiða ríflega hundrað þúsund krónur í skaðabætur. RÚV greinir frá því að Stefán Páll hafi samþykkt að víkja af listanum eftir borgarstjórnarkosninga og mun Kristinn Skagfjörð færast upp um sæti.

„Þetta er afskaplega leiðinlegt mál sem var þó afgreitt í mikilli sátt og samlyndi,“ hefur RÚV eftir Gunnari Kristni Þórðarsyni, oddvita flokksins. Hann segir að Stefán hafi verið ötull í vinnu fyrir flokkinn. Hann muni áfram taka þátt í flokkstarfi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af