Fréttir

Raðrúnkarinn var gómaður við Hrafnistu: „Það var opin hurð á bíl og ég sá naktar karlmannslappir“

Hjálmar Friðriksson
Mánudaginn 14. maí 2018 15:40

Rafal Kiedowski hefur verið ákærður fyrir kynferðisbrot og brot gegn barnaverndarlögum en hann er sakaður um að hafa fróað sér opinberlega víðs vegar á höfuðborgarsvæðinu á árunum 2013 til 2017. Margir urðu vitni að atferli hans, þar á meðal ung börn.

Rafal er sakaður um að hafa fróað sér buxnalaus í aftursæti bifreiðar, með opna hurð, þar sem henni var lagt í bifreiðastæði við hjúkrunarheimilið Hrafnistu í Reykjavík. DV hefur rætt við eina kvennanna sem varð vitni af því atviki. „Hann var fyrir utan vinnuna mína einn morguninn. Það var opin hurð á bíl og ég sá naktar karlmannslappir og leit mjög snöggt undan,“ segir konan.

Rafal er sakaður um að hafa fróað sér opinberlega á samtals fimm öðrum stöðum. Árið 2013 sást til hans að fróa sér í undirgöngum að Jörfabakka 22-28. Ári síðar var hann gómaður tvisvar, við byggingarsvæði í Kópavogi, þar sem barn varð vitni að Rafal að rúnka sér, og svo aftur við Þjóðmenningarhúsið við Ingólfsstræti.

Árin 2015 og 2016 sást ekkert til Rafal að fróa sér opinberlega en í fyrra náðist hann fjórum sinnum. Fyrst við Hrafnistu líkt og fyrr segir en svo við Hvaleyrarvatnsveg í Hafnarfirði. Þá, líkt og við Hrafnistu, var hann nakinn í aftursæti bifreiðar. Að lokum urðu tvær 17 ára stúlkur vitni af honum að fróa sér á almannafæri utandyra milli Sambíóanna og Landsbankans að Álfabakka. Síðar það sama kvöld sáu tvær 15 ára stúlkur hann fróa sér skammt frá á göngustíg við Arnarbakka.

Rafal er auk þess ákærður fyrir fjölda annarra brota, öll vegna þjófnaðar eða umferðarlagabrota.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af