Dr. John Dani og félagar hans hjá læknadeildinni í Pennsylvaníuháskóla hafa komist að því að ef einstaklingar neyta nikótíns á unglingsárum séu þeir líklegri til þess að leiðast út í ofneyslu áfengis. Það sama á ekki við ef fullorðnir einstaklingar byrja að neyta nikótíns. Rannsóknin var gerð með rottum og niðurstöðurnar voru þær að nikotínneysla á ungra rotta breytti taugaboðum í heilanum. Cell Reports greinir frá þessu.
Í dag nota um tvöfalt fleiri í þessum aldurshóp rafrettur en venjulegar sígarettur. Í nýlegri rannsókn kemur einnig fram að þeir sem byrja að nota rafrettur á yngri árum séu líklegri til að nota venjulegar sígarettur seinna meir. Reykingar unglinga hafa lengi verið tengdar við misnotkun áfengis seinna á lífsleiðinni en rannsóknir hefur skort hingað til.
Vísindamennirnir skiptu rottunum upp í tvo rannsóknarhópa, annars vegar ungar rottur og hins vegar fullorðnar. Þær voru sprautar daglega með ákveðnum skammti af nikótíni og síðan fylgst með sjálfvilugri inntöku áfengis.
Rotturnar þurftu að ýta lyftistöng til að komast að sætum áfengum drykk og ungu rotturnar gerðu það oftar en þær fullorðnu. Munurinn fólst í breytingu á virkni taugaboðefnis sem nefndist GABA.
Dani segir: „Þessar rannsóknir á ungum rottum eru sérstaklega mikilvægar í ljósi þess að á síðustu árum hefur rafrettunotkun unglinga í gagnfræði og framhaldsskólum aukist til muna.“