fbpx
Laugardagur 19.janúar 2019
Fréttir

Aðgerðasinninn Tommy Robinson kemur til Íslands: Ýmist kallaður öfgamaður eða þjóðhetja

Ágúst Borgþór Sverrisson
Mánudaginn 9. apríl 2018 14:08

Breski aðgerðasinninn og borgarablaðamaðurinn Tommy Robinson kemur til Íslands í vor og heldur fyrirlestur í Salnum Kópavogi. Robinson er gífurlega umdeildur og hefur ýmist verið kallaður rasisti eða þjóðhetja af löndum sínum. Vinsældir hans hafa þó farið stigvaxandi undanfarin ár og fylgjendur hans á samfélagsmiðlum eru taldir í hundruðum þúsunda.

Tommy, sem er frá Luton í Englandi, hefur beitt sér mjög gegn íslamskri öfgahyggju á Bretlandi en fordæming hans á trúarbrögðunum Íslam hefur vakið hörð viðbrögð. Hann stofnaði mótmælahreyfinguna The English Defense League – EDL –  árið 2009 sem stóð fyrir mótmælagöngum gegn íslamisma í Luton og víðar á Englandi.

Hann sagði sig úr hreyfingunni árið 2013, meðal annars vegna þess að hann taldi sig ekki lengur geta haldið hægri öfgamönnum og nýnasistum frá henni. Síðan þá hefur hann með ýmsum hætti beitt sér gegn íslamisma, núorðið sem sjálfstætt starfandi borgarablaðamaður (citizen journalist), aðallega við gerð myndskeiða.

Tommy Robinson kemur hingað á vegum samtakanna Vakur auk nokkurra annarra Íslendinga sem eru utan þeirra samtaka. Nánar er greint frá atburðinum inni á miðasöluvefnum Tix.is. Þar segir meðal annars:

Breski aðgerðasinninn og rithöfundurinn Tommy Robinson flytur erindi um þær áskoranir sem fjölmenningin í Evrópu stendur frammi fyrir, og hvernig hægt er að leysa þær öllum til hagsbóta.  Ráðstefnugestum gefst kostur á að spyrja hann spurninga og síðan verða pallborðsumræður.

Tommy hefur lengi verið í sviðsljósinu vegna umdeildrar baráttu sinnar gegn íslamskri bókstafstrú og afleiðingum hennar á breskt samfélag, ekki síst á líf fólks í verkamannastétt. Hann hefur gagnrýnt bresk yfirvöld fyrir úrræðaleysi í baráttunni gegn öfgamönnum og starfað náið með blökkumönnum, gyðingum, hindúum, kvenréttindakonum, múslimum, samkynhneigðum og síkum sem tala fyrir aðlögun að vestrænum gildum.

Sjá einnig samantekt um Tommy Robinson á Eyjunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

DV er komið út – Palli í Bæjarbíói, Ketóbók Gunnars Más, móðir Áslaugar glímir við framheilabilun, asískt þjófagengi og Gettu betur

DV er komið út – Palli í Bæjarbíói, Ketóbók Gunnars Más, móðir Áslaugar glímir við framheilabilun, asískt þjófagengi og Gettu betur
Fréttir
Í gær

Telur að árið verði enn eitt metárið í ferðaþjónustu

Telur að árið verði enn eitt metárið í ferðaþjónustu
Fréttir
Fyrir 2 dögum

Helga Vala neitar að hafa stolið úr búð: „Þær eru orðnar svolítið margar verslanirnar sko“

Helga Vala neitar að hafa stolið úr búð: „Þær eru orðnar svolítið margar verslanirnar sko“
Fréttir
Fyrir 2 dögum

Skattrannsóknarstjóra hótað og reynt að múta honum – Pólitískum afskiptum hótað

Skattrannsóknarstjóra hótað og reynt að múta honum – Pólitískum afskiptum hótað
Fréttir
Fyrir 3 dögum

Maðurinn með ljáinn handtekinn í Breiðholti í nótt

Maðurinn með ljáinn handtekinn í Breiðholti í nótt
Fréttir
Fyrir 4 dögum

Sævar segir sumar ljósaperur geta raskað svefni og jafnvel valdið krabbameini – Er svona pera heima hjá þér?

Sævar segir sumar ljósaperur geta raskað svefni og jafnvel valdið krabbameini – Er svona pera heima hjá þér?