Karlmaður sem hneig meðvitundarlaus niður í Heimakletti í Vestmannaeyjum í kvöld er látinn. Maðurinn var í gönguferð ásamt hópi fólks þegar hann hneig niður. Endurlífgunartilraunir báru ekki árangur og var maðurinn úrskurðaður látinn á sjúkrahúsinu í Vestmannaeyjum.
Vefur Morgunblaðsins greinir frá þessu.
Þyrla Landhelgisgæslunnar var kölluð út vegna atviksins en endurlífgunartilraunir voru gerðar á manninum á staðnum. Að því er Morgunblaðið greinir frá var maðurinn heimamaður í Vestmannaeyjum. Ekki er hægt að greina frá nafni hans að svo stöddu.