Sigurður Kristinsson, eiginmaður Sunnu Elvíru, er sagður í Fréttablaðinu hafa keypt fimm kíló af amfetamíni af mönnum frá Mið-Austurlöndum. Fréttablaðið vitnar í gögn málsins sem það ku hafa undir höndum. Sigurður var látinn laus úr gæsluvarðhaldi á dögunum þar sem ekki tókst að gefa út ákæru í málinu fyrir tólf vikna hámarksgæsluvarðhald.

Samkvæmt Fréttablaðinu viðurkenndi Sigurður sök við yfirheyrslu hjá lögreglu. Hann sagðist hafa kynnst fyrrnefndum mönnum á Benidorm á Spáni. Þeir hafi afhent honum fimm kíló af amfetamíni á hótelbergi og í kjölfar þess hafi hann keypt vacumpökkunarvél og pakkað fíkniefnunum.

Svo hafi Sigurður fengið þá hugmynd, þar sem hann hafði lesið um Norðurlandamót í skák, að kaupa taflmenn og koma amfetamíninu fyrir í þeim. Sigurður er sagður hafa brotið botninn á taflmönnunum og steypt hann aftur. Því næst lét hann mála taflmennina gylta og silfraða. Að lokum lét hann útbúa granítplötur undir taflmennina og þeir sem sáum um það sendu pakkann svo til Íslands.

Félagi Sigurður, sem átti ekki að hafa átt að baki sögu afbrot, átti svo að sækja taflmennina. Sigurður er sagður hafa sagt þessum félaga sínum að líkamsræktartengd efni væru falin í taflmönnunum en ekki amfetamín. Sigurður er sagður hafa komið til Íslands sérstaklega til að leysa þennan vin sinn undan sök.