Fréttir

Rifja upp eftirminnilegan hrekk Sindra strokufanga – „Það varð uppi fótur og fit næsta morgun“

Tómas Valgeirsson
Mánudaginn 23. apríl 2018 12:24

Sindri á leið úr landi með handfarangur og spjaldtölvu undir hendinni.

„Það rifjaðist upp um helgina að Sindri er frá Króknum. Þar gerði hann einn þekktasta hrekk í manna minnum“. Þetta segir bókaútgefandi frá sama svæði sem rifjar upp á Facebook gamla sögu af strokufanganum Sindra Þór Stefánssyni.

„Venjan á Króknum var að fólk læsti hvorki húsum né bílum, yfirleitt voru lyklarnir í flestum bílum heima við hjá fólki. Sindri gekk á röðina eina nóttina, tók lyklana úr á annan tug bíla og faldi. Það varð uppi fótur og fit næsta morgun. Stundum hefur verið haft á orði að Sindri hafi kennt Króksurum að læsa.“

Aðeins 18 ára gamall var Sindri Þór bókaður í 200 mál hjá lögreglunni. Að sögn útgefandans „þvældist hann um í kerfinu, var settur á fósturheimili, komið fyrir hjá vandalausum, settur á lyf og í sálfræðimeðferð, en það hafði lítil áhrif á hans impúlsívu hegðun. Ég held að hann hafi verið 9 ára þegar hann stal af mér nákomnum. Það hefur margt gengið á hjá Sindra.“

Kristrún Heimisdóttir lögfræðingur tekur þátt í umræðunum og segir að þarna séu góðu samfélagi lýst, að enginn þurfi að læsa bíl, að „þarna birtist mynd af þessum manni, glaðhlakkalegum á götu í Amsterdam í hópi með dópsölum, hafinn yfir lög og rétt á grundvelli mannréttinda sinna, því nú eru afbrotamenn betur varðir af fordæmum Hæstaréttar Íslands en margir þeir sem höllustum fæti standa. Og kannski er vitað að hópurinn í Amsterdam rekur „skipulagða glæpastarfsemi“ sem var óþekkt á Íslandi til skamms tíma en skapar mikinn auð og mikla hættu. Ekki gott.“

Silja Aðalsteinsdóttir bókmenntafræðingur segir í þræðinum að Sindri hafa alla burði til þess að vera mikil og elskuð hetja og goðsagnapersóna í heimalandi sínu. Ef hann er ekki kvæntur maður nú þegar mun hann fá urmul tilboða og bónorða í fangelsinu næstu mánuði og ár.“

Bókaútgefandinn bætir þá við og svarar Silju: „Kvæntur og faðir barna. Þetta er nefnilega tragedía þrátt fyrir allt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Sjáðu atvikið – Ótrúlegt klúður Aubameyang gegn Chelsea

Sjáðu atvikið – Ótrúlegt klúður Aubameyang gegn Chelsea
BleiktFréttir
Fyrir 2 dögum

Segir skrif íslensks læknis grafa undan mannréttindabaráttu intersex fólks: „Líkamar intersex fólks eru svo sannarlega ekki gallaðir á nokkurn hátt“

Segir skrif íslensks læknis grafa undan mannréttindabaráttu intersex fólks: „Líkamar intersex fólks eru svo sannarlega ekki gallaðir á nokkurn hátt“
Fréttir
Fyrir 3 dögum

Mynd dagsins: Ferðamenn á Akureyri nota strætóskýli sem eldhús

Mynd dagsins: Ferðamenn á Akureyri nota strætóskýli sem eldhús
Fyrir 3 dögum

Hvar eru konurnar?

Hvar eru konurnar?