Það er skammt stórra högga á milli hjá hinum vinsæla stórsöngvara Björgvini Halldórssyni en hann missti nýverið fágæta muni í stórbrunanum í Garðabæ. Þann 16. apríl fékk Björgvin tækifæri til að gleðjast en þá fagnaði þessi magnaði tónlistarmaður 67 ára afmæli. DV heyrði í dóttur Björgvins, söngkonunni Svölu, sem hefur fetað með glæsilegum hætti í fótspor föður síns og spurði, hvað segir dóttirin um pabba?

„Hann pabbi er algjör klettur í mínu lífi og alltaf til staðar,“ segir Svala og bætir við: „Svo er hann ógeðslega fyndinn! Það er svo oft sem ég hef legið í gólfinu af hlátri út af einhverju sem hann er að segja frá. Fjölskyldan skiptir hann mestu máli og hann gerir allt fyrir hana.“