Óvenjulegu atvik varð í Þorlákshöfn í gærkvöldi þegar köttur olli því að rafmagn sló af bænum í um klukkustund.
Talið er að kötturinn hafi skriðið í gegnum rör að spennistöð, sem er í um tveggja kílómetra fjarlægð frá næsta íbúðarhúsi, áður en hann gekk inn á ellefu kílóvatta spenni. Kötturinn fékk raflost og drapst.
Fjallað var um málið í fréttum RÚV og þar sagði Steinunn Þorsteinsdóttir, upplýsingafulltrúi hjá Landsneti, að hún hafi aldrei heyrt af sambærilegu máli. Fuglar hafi þó flogið á raflínur og valdið þannig rafmagnsleysi.
Unnið er að framkvæmdum á spenninum og segir Steinunn að dýr eigi ekki greiða leið inn á spenna. Ekki liggur fyrir hvort um heimiliskött eða villikött hafi verið að ræða en reynt verður að komast að því.
