Litlu mátti muna að illa færi þegar brimbrettakappinn Jason Longgrass var bitinn af hákarli úti fyrir ströndum Ástralíu á dögunum. Ekki var um neinn smáhákarl að ræða því hákarlinn sem réðst á Jason var fjögurra metra hvítháfur – stærsti ránfiskur í heimi.
Atvikið náðist á myndband og voru það félagar Jasons sem urðu vitni að atvikinu. Á myndbandinu má heyra félaga hans öskra og virðast einhverjir hafa talið að þarna væri síðasta stund félaga þeirra runnin upp.
Atvikið varð á vinsælum brimbrettastað skammt frá Gracetown í vesturhluta Ástralíu. Hákarlinn náði að læsa tönnunum í brimbrettinu og skarst Jason nokkuð illa á öðrum fætinum. Hann hefur líklega aldrei synt eins hratt og þegar hann reyndi að forða sér í land – sem honum tókst með naumindum.
Skömmu áður en atvikið varð hafði annar brimbrettakappi, Alejandro Travaglini, verið bitinn skammt frá. Hann gekkst undir aðgerð eftir að hafa verið bitinn illa í fæturna.
EXCLUSIVE VIDEOAlex Travaglini was just one of two surfers injured in separate shark attacks in Gracetown yesterday. Seven News has obtained exclusive video of the second attack, where surfer Jason Longgrass fought his way free.We warn Rick Ardon's report contains pictures that may be confronting.
Posted by 7 News Perth on 17. apríl 2018