Mánudagur 17.desember 2018

DV - Frjáls og óháður miðill

Kaffistofan

PR-vandi

Fréttir

Gunnar Smári segir Andrés bera ábyrgð á alræmdri Facebook-síðu: „Hann hefur verið kallaður heim“

Hjálmar Friðriksson
Mánudaginn 16. apríl 2018 10:08

Gunnar Smári Egilsson, fjölmiðlamaður og formaður Sósíalistaflokksins, segir á Facebook-síðu sinni að Andrés Magnússon, pistlahöfundur á Viðskiptablaðinu, beri ábyrgð á alræmdum kosningamyndböndum á Facebook. Síðan, sem kallar sig einfaldlega Kosningar, er nafnlaus en af efnistökum að dæma er hún augljóslega tengd hægri væng íslenskra stjórnmála. Í það minnsta er aldrei sagt neitt neikvætt um Sjálfstæðisflokkinn, Miðflokkinn né Framsóknarflokkinn. Andrés gefur lítið fyrir ásakanir Gunnars Smára og finnst þær ekki svaraverðar.

Gunnar Smári birtir skjáskot af stöðufærslu Andrésar þar sem sá síðarnefndi segist vera á leið til Íslands, en hann býr alla jafnan í Bretlandi. „Merkir þetta að kosningabarátta Íhaldsins í Reykjavík verður eins sóðaleg í borginni og hún hefur verið undanfarnar Alþingiskosningar? Skatta-Kata, Smári McCarthy vopnaður í Afganistan o.s.frv. Eftir því sem minna má ræða stefnu Sjálfstæðisflokksins í aðdraganda kosninga (enginn vill kjósa blinda hagsmunagæslu fyrir hina ríku) því meir leggur flokkurinn upp úr því að gera kosningabaráttu svo ógeðfellda að fólk gefist upp á pólitík og kjósi helst ekki,“ skrifar Gunnar Smári.

Gunnar Smári fullyrðir að Andrés hafi verið lykilmaður í neikvæðri kosningabaráttu Sjálfstæðisflokksins undanfarin ár. „Hann hefur verið kallaður heim, meðal annars vegna þess að Eyþór Laxdal Arnalds nær ekki út fyrir þrengstu raðir sjálfstæðisfólks. Og ef ekki er hægt að tæla fólk til að kjósa xD má kannski fæla það frá að kjósa aðra flokka,“ skrifar Gunnar Smári.

Facebook-síðan Kosningar er eins og áður segir alræmd og hefur hleypt illu blóði í vinstra fólk. Fulltrúar vinstri flokka hafa reynt að finna út úr hver standi að baki áróðrinum en þær tilraunir virðast enn ekki hafa borið árangur. Hefur nafn Andrésar áður verið nefnt í tengslum við síðuna en pistlahöfundur Viðskiptablaðsins er ávalt kallaður heim í aðdraganda kosninga til að hjálpa til við að veiða atkvæði fyrir Sjálfstæðisflokkinn. Andrés segist í samtali við DV ekki nenna að svara þessum ásökunum: „Æ, ég nenni ekki að svara þessu rausi. Ég hef svarað sams konar ávirðingum áður, þar sem skýrt hefur komið fram að ég hef hvergi komið nálægt þessari neikvæðu kosningabaráttu sem hann nefnir.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 11 klukkutímum

Fáar tilkynningar til lögreglu vegna gruns um refsivert athæfi lækna við útgáfu lyfseðla

Fáar tilkynningar til lögreglu vegna gruns um refsivert athæfi lækna við útgáfu lyfseðla
Í gær

Fjármálaráðherra Venesúela makaði krókinn

Fjármálaráðherra Venesúela makaði krókinn
Fréttir
Í gær

Facebook logar vegna kattarmyndbands Jóhanns: Biðst innilega afsökunar – handlék hræið og grínaðist – „Þetta er gífurleg óvirðing“

Facebook logar vegna kattarmyndbands Jóhanns: Biðst innilega afsökunar – handlék hræið og grínaðist – „Þetta er gífurleg óvirðing“
Fyrir 2 dögum

Nauðsynlegt að fá samþykki

Nauðsynlegt að fá samþykki
Fyrir 2 dögum

Spurning vikunnar: Hvað myndir þú gera ef þú ynnir milljarð í lottó?

Spurning vikunnar: Hvað myndir þú gera ef þú ynnir milljarð í lottó?
Fréttir
Fyrir 2 dögum

Þorsteinn Hjaltested er látinn

Þorsteinn Hjaltested er látinn
Fyrir 3 dögum

Trúverðugleiki í húfi

Trúverðugleiki í húfi
Fréttir
Fyrir 3 dögum

Reynir sakar Hannes um hræsni og vill kæra Klaustursþingmennina: „Ég man ekki eftir að hafa látið í ljós neina sérstaka skoðun á því“

Reynir sakar Hannes um hræsni og vill kæra Klaustursþingmennina: „Ég man ekki eftir að hafa látið í ljós neina sérstaka skoðun á því“