Gísli Örn Garðarsson varaði við innbrotsþjófi á Nesvegi í vikunni en hann tjáði sig í Facebook-hópnum Vesturbærinn.
„Hér neðst á Nesvegi gengu menn um með höfuðlukt og reyndu að finna sér leið inn í nærliggjandi hús klukkan 2 í nótt: Tékkuðu á gluggum og hurðum. Lögreglunni var gert viðvart án teljanlegra viðbragða. Nágranni sem varð vitni lét okkur vita rétt í þessu.“
Fljótlega kom í ljós að blaðberi Fréttablaðsins fer snemma af stað eða rétt eftir miðnætti og leystist gátan þegar greint var frá því að blaðberinn væri ávallt með höfuðljós.
