Fréttir

Tommy Robinson sparkað úr Salnum: „Munum krefjast skaðabóta og fara í mál“

Ágúst Borgþór Sverrisson
Föstudaginn 13. apríl 2018 09:40

Fyrirhugaður fyrirlestur breska aðgerðasinnans Tommys Robinson sem átti að verða í Salnum í Kópavogi þann 18. maí hefur verið tekinn af dagskrá Salarins og kippt úr miðasölu á Tix.is. Tommy Robinson er umdeildur vegna baráttu sinnar gegn íslamisma og hefur þurft að eyða miklu púðri í að verjast ásökunum um rasisma. Hann er engu að síður afar vinsæll og á mörg hundruð þúsund stuðningsmenn.

Það eru samtökin Vakur og nokkrir einstaklingar utan þeirra sem standa að komu Tommys Robinson til Íslands. Er verið að leita að öðru húsnæði til að hýsa væntanlegan fyrirlestur Englendingsins, en ljóst er að Tommy kemur ásamt fylgdarliði sínu (til dæmis kvikmyndatökumanni) til Íslands um miðjan maí.

Salurinn hefur gefið þá einu skýringu á ákvörðun sinni að misskilningur hafi orðið innanhúss við bókun viðburðarins. Sigurfreyr Jónasson, talsmaður Vakurs, telur ákvörðunina eiga sér pólitískar ástæður, en hópur vinstri sinnaðs fólks á landinu er mjög andsnúinn komu Tommys Robinson til Íslands og telur málflutning hans vera hættulegan.

Í tölvupósti sem Sigurfreyr sendi Aino Freyju Jarvela, forstöðumanni Salarins, í fyrradag, segir meðal annars:

„Ef þetta verður ekki dregið til baka og miðasalan kominn aftur í gang í dag, sé ég ekki aðra leið en að krefjast skaðabóta og fara í mál. Þú getur ekki hætt þegar búið var að ganga frá öllu. Salurinn var sjálfur búinn að skrá þetta inn í kerfið hjá sér og Tix.is. Miðasalan hafði verið í gangi í a.m.k. 3 klst.“

DV sendi Aino fyrirspurn vegna málsins sem hún svaraði:

„Það kom því miður upp misskilningur í bókun á þessum degi sem uppgötvaðist ekki fyrr en um leið og viðburðurinn var kominn í sölu. Þegar misskilningurinn kom í ljós var viðburðurinn snarlega tekinn úr sölu og viðkomandi beðnir velvirðingar. Salurinn er tónleikahús sem býður upp á hágæða tónlist á Íslandi og hefur enga pólitíska afstöðu.“

 

DV sendi Aino aðra fyrirspurn og bað um frekari skýringu á ákvörðuninni, það er ef hún væri ekki pólitísk, hver væri þá ástæðan. Aino svaraði: „Þetta er misskilningur sem varð hér innanhúss og í sjálfu sér ekkert meira um það að segja.“

Sem fyrr segir er Tommy Robinson afar umdeildur vegna baráttu sinnar gegn öfgasinnuðum íslamistum á Bretlandi. Hefur hann verið sakaður um fordóma gegn múslímum sem hann sver af sér og segir að gera verði greinarmun á múslímum og íslam. Hann fordæmir hins vegar trúarbrögðin íslam og pólitíska hugmyndafræði þeirra og hefur verið gagnrýndur harðlega fyrir það. Tommy hefur lýst yfir ánægju með að vera boðið til Íslands og segist hlakka til að koma til landsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 23 klukkutímum

Stóru Málin: Björn Leví og fyrirspurnirnar – Ásakaður um að þjófkenna Ásmund

Stóru Málin: Björn Leví og fyrirspurnirnar – Ásakaður um að þjófkenna Ásmund
Fréttir
Í gær

Félagi Einars fékk hjartastopp í nótt – „Á vart orð til að lýsa viðbrögðum lögreglu og starfsmanna LSH. Mikil fagmennska.“

Félagi Einars fékk hjartastopp í nótt – „Á vart orð til að lýsa viðbrögðum lögreglu og starfsmanna LSH. Mikil fagmennska.“
Fréttir
Í gær

Systur Matthildar heitinnar stíga fram og segja frá ótrúlegri framkomu Jónasar í réttarsalnum – „Sýndi okkur ofboðslega vanvirðingu“

Systur Matthildar heitinnar stíga fram og segja frá ótrúlegri framkomu Jónasar í réttarsalnum – „Sýndi okkur ofboðslega vanvirðingu“
Fréttir
Í gær

Beiðnabók stolið frá Reykjavíkurborg og 4 milljónum eytt: „Það er flott að geta verið gáfaður eftir á“

Beiðnabók stolið frá Reykjavíkurborg og 4 milljónum eytt: „Það er flott að geta verið gáfaður eftir á“
Fréttir
Fyrir 2 dögum

Viljinn: Björn Ingi Hrafnsson ritstýrir nýjum vefmiðli

Viljinn: Björn Ingi Hrafnsson ritstýrir nýjum vefmiðli
Fréttir
Fyrir 2 dögum

Kona handtekin í morgun eftir umferðaróhapp

Kona handtekin í morgun eftir umferðaróhapp
Fréttir
Fyrir 2 dögum

Hjálmar sagði að kennitöluflakk kæmi ekki til greina í akstursþjónustu fatlaðra

Hjálmar sagði að kennitöluflakk kæmi ekki til greina í akstursþjónustu fatlaðra