fbpx
Fréttir

Sýknaður af ákæru um heimilisofbeldi því hann kemur úr góðri fjölskyldu – Múslimar í dómnum réðu niðurstöðunni

Kristján Kristjánsson
Miðvikudaginn 7. mars 2018 07:55

Í apríl 2015 kærði kona 37 ára gamlan mann til lögreglunnar í Svíþjóð fyrir líkamsárás. Hún sagði hann hafa hrint henni á húsgögn, slegið hana í andlitið, rifið í hár hennar og setið ofan á henni og þrýst háhæla skó inn í andlit hennar. Dómur féll í málinu nú í lok febrúar. Maðurinn var sýknaður af ákæru þar sem „fjölskylda hans virðist vera góð fjölskylda“ en fjölskylda konunnar sé það ekki. Þetta hafi áhrif á mat dómsins á sekt eða sýknu.

Aftonbladet skýrir frá þessu og birtir afrit af dómnum.

Málið hefur vakið mikla athygli og umræðu í Svíþjóð og nú hefur dómsforsetinn í undirréttinum í Solna, þar sem dómurinn var kveðinn upp, ákveðið að funda með meðdómendunum í málinu til að leggja mat á hvort þeir séu hæfir til að gegna dómstörfum.

Fjórir dómarar dæmdu í málinu. Það var dómforsetinn, Lenta Klintefall dómari, og meðdómendur hennar þrír: Alexandra Bosnjakovic tilnefnd af Moderaterna og þau Hassan Fransson og Ebtisam Aldebe en þau eru bæði tilnefnd af Centerpartiet. Í Svíþjóð tilnefna stjórnmálaflokkar ólöglærða meðdómendur (leikmenn) til starfa í undirrétti.

Eftir því sem segir í Aftonbladet þá giftist parið fyrir sjö árum og var um íslamskt brúðkaup að ræða samkvæmt sharíalögum. Í dómsorði segir að fjölskylda mannsins „virðist vera góð fjölskylda“ sem sé þvert á það sem eigi við um fjölskyldu konunnar og að þetta hafi áhrif á mat dómsins á sekt eða sýknu mannsins. Einnig kemur fram að það dragi úr trúverðugleika konunnar að hún hafi ekki rætt ofbeldið við fjölskyldu mannsins, þannig að hægt væri að afgreiða það innan fjölskyldunnar, eins og gert sé „í þessum hópum“ og hafi í staðinn valið að fara til lögreglunnar. Í dómsorði er einnig gefið í skyn að konan hafi logið til um ofbeldið til að verða sér úti um íbúð.

„Það er ekki óalgengt að konur segi ranglega að þeim hafi verið misþyrmt og ógnað og því þurfi þær að fá vernd í því skyni að fá íbúð.“´

Einnig segir að ekki sé hægt að útiloka að konan hafi sjálf valdið áverkunum.

Leikmennirnir í dómnum, þeir sem eru tilnefndir af stjórnmálaflokkunum, voru ekki sammála um niðurstöðuna. Fulltrúi Moderaterna, ásamt dómsformanninum, taldi að maðurinn væri sekur um ofbeldi. En fulltrúar Centerpartiet voru á öðru máli og réðu niðurstöðu málsins.

Lena Egelin, dómsforseti, sagði í samtali við Sænska ríkisútvarpið að hún eigi erfitt með að sjá að það sem fram kemur í dómsorði um fjölskyldu konunnar séu gild rök, allt sé þetta mjög óheppilega orðað.

Það vill svo til að fulltrúar Centerpartiet í dómnum eru báðir múslimar og innflytjendur frá Miðausturlöndum. Ebitsam Aldebe hefur boðið sig fram til þings fyrir flokkinn. Hún hefur látið hafa eftir sér opinberlega að það þurfi að aðlaga sænsk lög að múslimum, sérstaklega hvað varðar skilnaðarmál. Hún hefur ekki viljað tjá sig um dóminn annað en að hún hafi farið að lögum.

Hasan Fransson sagði í samtali við Aftonbladet að hann hafi ákveðið að hætta afskiptum af stjórnmálum og sem meðdómari. Hann sagðist standa við dóminn en ekki hvernig hann hljóðar. Það hafi skort á tæknileg sönnunargögn í málinu og hér hafi verið orð á móti orði.

Málið hefur að vonum vakið upp miklar og heitar umræður í Svíþjóð og hafa margir spurt sig hvað sé eiginlega að gerast í landinu, hvort dómskerfið sé að færast undir sharíalög. Fólki þykir röksemdafærslan í dómnum vera algjörlega óásættanleg og brjóti gegn grunngildum í sænsku réttarfari.

Fransson og Ebitsam segja bæði að trú þeirra hafi ekkert með niðurstöðuna að gera en miðað við umræðuna í Svíþjóð undanfarna daga þá eru ekki allir sammála því að það sé rétt og vísa þar í að tekið er fram í dómsorði að konan hefði fyrst átt að leita til fjölskyldu eiginmanns síns í stað lögreglunnar.

Innan Centerpartiet var fólk ekki sátt við framgöngu meðdómendanna og eftir því sem Metro segir þá hefur bæði Fransson og Aldebe nú verið vikið úr flokknum þar sem dómsniðurstaðan stríði gegn stefnu flokksins í mannréttindum og jafnræði fólks fyrir lögum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Í gær

Svarti pardusinn: Hann var kallaður Vofan – „Við skulum sjá hvort hún er hlaðin,“

Svarti pardusinn: Hann var kallaður Vofan – „Við skulum sjá hvort hún er hlaðin,“
Fréttir
Í gær

Segir að Austur verði lokað í kvöld: Harðvítugar deilur – „Við erum búin að skila leyfinu og loka staðnum“

Segir að Austur verði lokað í kvöld: Harðvítugar deilur – „Við erum búin að skila leyfinu og loka staðnum“
Fyrir 2 dögum

Þið þurfið ekki að taka við þessu öllu

Þið þurfið ekki að taka við þessu öllu
Fréttir
Fyrir 2 dögum

Fylgstu með öllum leikjunum í enska boltanum á 433

Fylgstu með öllum leikjunum í enska boltanum á 433