Uppfært kl. 14.12: Fram kemur á vef BBC að lögregla hafi skotið árásarmanninn til bana. Þrír eru sagðir látnir.
Sérsveit og fjölmennt lögreglulið er nú við stórmarkaðinn Super U í bænum Trébés í suðurhluta Frakklands þar sem karlmaður er sagður halda hópi fólks í gíslingu. Maðurinn er sagður vera meðlimur hryðjuverkasamtakanna Ríki Íslams. Staðfest hefur verið að tveir lögreglumann hafi látist í skotárásum.
Fram kemur í frétt BBC að skotið hafi verið á tvo lögregluþjóna úr bíl í bænum Carcassonne og hafi annar þeirra særst en þó ekki alvarlega. Um svipað leyti tók karlmaður átta manns í gíslingu í stórmarkaðnum í bænum Trèbes sem er skammt frá Montpellier sem er í um 15 mínútna akstursfjarlægð. Ekki hefur fengist staðfest að um sama árásarmann sé að ræða.
Fram kemur á vef AFP að gíslatökumaðurinn sé frá Marokkó og hefur hann áður verið talinn líklegur til hryðjuverka.
Ekki hefur fengist staðfest frá lögregluyfirvöldum hversu stór hópur gísla er inni í versluninni. Samkvæmt Twitter færslu bæjaryfirvalda hefur svæðiðumhverfis stórmarkaðinn sverið lokað fyrir almennri umferð.
Hefur gíslatökumaðurinn krafist þess að hryðjuverkamanninum Salah Abdeslam verði slept úr haldi en Abdeslam sætir ákæru vegna hryjðuverkanna í París árið 2015.
Fram kemur á vef Sky að forsætisráðherra Frakklands segi stöðuna vera alvarlega.