Carlton Gary, 67 ára fangi á dauðadeild í Georgíuríki í Bandaríkjunum, var tekinn af lífi í gærkvöldi, rúmum 40 árum eftir að hafa framið ódæðisverkin sem urðu til þess að hann hlaut dauðadóm.
Gary var sakfelldur árið 1986 fyrir að myrða þrjár eldri konur á árunum 1977 til 1978. Áður en hann kyrkti þær nauðgaði hann þeim.
Þó að hann hafi aðins verið sakfelldur fyrir þessu þrjú morð er talið að fórnarlömb hans hafi verið mun fleiri, eða níu talsins. Sjö þeirra létust en örlög þeirra voru öll með svipuðu sniði; brotist var inn á heimili þeirra og síðan ráðist á þær. Konurnar sem Gary var dæmdur fyrir að hafa myrt voru 69 ára, 74 ára og 89 ára.
Gary var svo handtekinn árið 1984 og dæmdur árið 1986 eins og að framan greinir.
Nú, rúmum 40 árum eftir að ódæðisverkin voru framin, hefur Gary verið tekinn af lífi. Aftakan fór fram í ríkisfangelsinu í Jackson. Gary neitaði að tjá sig þegar honum var boðið að segja lokaorð. Fyrr í vikunni höfnuðu yfirvöld beiðni hans um að þyrma lífi hans.