Lögreglan á höfuðborgarsvæðinu leitar karlmanns og ökutækis í tengslum við rannsókn hennar á innbroti í verslun í Skútuvogi í Reykjavík í nótt. Tilkynning um málið barst lögreglu kl: 5:41. Þá var þjófurinn á bak og burt.

Þjófurinn hafði ekið rauðum Chevrolet Spark, með skráningarnúmerið HNM06, inn um aðalinngang verslunar og stolið þar verkfærum og síðan farið aftur akandi af vettvangi.

Lögreglan leitar ökumannsins og bílsins sem var stolið í Grænuhlíð í Reykjavík.

Ökumaðurinn, sem er 170-175 sm á hæð, var klæddur í svarta peysu/jakka með hvítum röndum, gráar buxur, svarta skó og með lambhúshettu. Bíllinn er að líkindum dældaður og rispaður eftir innbrotið. Í tilkynningu lögreglu segir:

Sjáist bíllinn í umferðinni skal hringja tafarlaust í 112, en upplýsingum um hvar bíllinn er niðurkominn má sömuleiðis koma á framfæri í tölvupósti á netfangið adalsteinn.thor@lrh.isadalsteinn.thor@lrh.is eða einkaskilaboðum á fésbókarsíðu Lögreglunnar á höfuðborgarsvæðinu.