Hávært andvarp og bölv heyrðist í Þorláksgeisla skömmu eftir miðnætti aðfaranótt síðasta miðvikudags. Segja má að Geislahverfið í Grafarholtinu hafi hreinlega nötrað af skelfingu og bræði. Á þriðju hæð í Þorláksgeisla býr Gylfi Arnbjörnsson, forseti ASÍ til tíu ára, og líklegast er tímasetning titringsins ekki tilviljun þar sem ljóst var upp úr miðnætti á miðvikudag að Sólveig Anna Jónsdóttir yrði formaður Eflingar. Gylfi mun mæta á ársþing ASÍ næsta haust með Sólveigu Önnu og Ragnari Þór úr VR, en allt stefnir í að þetta verði hans síðasta ársþing þar sem Efling, VR, Vilhjálmur Birgisson á Akranesi og Aðalsteinn Baldursson á Húsavík eru með tæp 53 prósent atkvæða innan ASÍ.