Donald Trump forseti Bandaríkjanna heimsótti fórnarlömb og eftirlifendur skotárárasinnar í Parkland Florida, ásamt eiginkonu sinni Melania Trump, síðastliðinn föstudag. Dvöldu þau rúmlega 35 mínútur á spítalanum og héldu svo stuttu síðar í veislu á Mar-a-lago setrinu, en þema hennar var í anda skemmtistaðarins Stúdíó 54. Hann var sá allir vinsælasti meðal ríka og fræga fólksins undir lok áttunda árarugarins. Staðurinn var svokallað mekka diskó-tónlistarinnar og hafa því erlendir miðlar fjallað um málið á þann hátt að Trump hafi hitt fórnarlömbin stutt og skellt sér svo beint í diskó partý.
Yfirlýst stuðningskona Trumps, Sean Bianca, setti meðfylgjandi mynd af forsetahjónunum í partýinu inn á Instagram reikning sinn. Þar tók hún skýrt fram að þau hefðu ekki dansað. Stuttu seinna var myndin horfin og búið að loka fyrir aðgangs almennings að Instagrammi Bianca.
Átti þetta sér stað stuttu eftir nokkurt fjaðrafok á internetinu yfir mynd sem Trump birti af sér ásamt þeim lögreglumönnum sem sinntu útkallinu í kjölfar árásarinnar á miðvikudaginn. Á henni sést forsetinn skælbrosandi með þumalinn upp. Þótti þetta taktlaust í ljósi aðstæðna.
Trump dvaldi á Mar-a-lago nú yfir helgina. Í gær var Forsetadagurinn en hann er haldinn þriðja mánudaginn í febrúar til heiður George Washington fyrsta forseta Bandaríkjanna og er frídagur í Bandaríkjunum. Upplýsingarfulltrúi á vegum Hvíta hússins tjáði blaðamönnum að forsetinn myndi þó ekki taka hring á golfvelli sínum á laugardeginum líkt og hann gerir vanalega af virðingu við fórnarlömb árásarinnar, en setrið er í aðeins hálftíma keyrslu frá Marjory Stoneman Douglas gagnfræðiskólanum þar sem árásin átti sér stað.