Sunna Elvira Þorkelsdóttir verður flutt á bæklunarsjúkrahús í Sevilla borg í dag. Morgunblaðið greinir frá þessu. Líkt og áður hefur komið fram hefur Sunna Elvira legið lömuð á sjúkrahúsi í Marbella í rúmlega fimm vikur án þess að fá fullnægjandi aðhlynningu.
Til stóð á dögunum að flytja Sunnu á sérstakt sjúkrahús í Toledo en flutningurinn var þá stöðvaður af spænskum yfirvöldum og Sunnu tjáð að hún þyrfti fyrst að fara til Selvilla. Flutningurinn til Selvilla hefur hins vegar tafist pappírsvinnu af hálfu spítalans í Marbella.
Fram í Morgunblaðinu að ferðalagið til Sevilla muni taka rúmlega fjórar klukkustundir og standa vonir til að Sunna verða komin þangað fyrir hádegi í dag.
„Það er vonandi betri aðstaða á þeim spítala en hér í Malaga,“ segir Sunna í samtali við Morgunblaðið.
Jafnframt kemur fram að enn sé beðið samþykkis frá spænskum stjórnvöldum og dómstólum um að Sunna verði flutt til Íslands.