Arnór Guðjohnsen, fyrrverandi landsliðsmaður í knattspyrnu hefur sett húsið sitt við Köldulind í Kópavogi á sölu. Um er að ræða 250 fermetra einbýlishús sem byggt var árið 2001. Líkt og sjá má er eignin einkar glæsileg og státar meðal annars af hita í gólfi og sérstöku fataherbergi. Fjögur svefnherbergi og tvö baðherbergi eru í húsinu.
Fótboltaferill Arnórs er flestum kunnugur en hann var atvinnumaður í tvo áratugi í Belgíu, Frakklandi og Svíþjóð og var meðal annars valinn besti leikmaður ársins í Belgíu og besti erlendi leikmaðurinn sem leikið hafði í Svíþjóð. Þá er hann jafnframt faðir, og umboðsmaður, Eiðs Smára Guðjohnsen fótboltastjörnu.
„Glæsilegt útsýni er yfir kópavog og út á sjó. Á þaki eru ca 90 fm svalir. Fallegur garður og hellulagt bílaplan ásamt timburverönd og steyptum veggjum,“ segir meðal annars í lýsingu á fasteignavef Vísis en kaupverðið er litlar 110 milljónir.
Eignin var áður sett á sölu árið 2014 og var kaupverðið þá 89 milljónir.
Sjá hér
