Öllum vegum til Reykjavíkur hefur verið lokað vegna aftakaveðurs. Mosfellsheiði, Hellisheiði og Þrengsli var lokað fyrr í morgun en Reykjanesbrautinni var lokað á áttunda tímanum. Vegum um Sandskeið, Lyngdalsheiði og Kjalarnes hefur líka verið lokað. Nú rétt fyrir klukkan níu var veginum um Hafnarfjall, Bröttubrekku og Holtavörðuheiði einnig lokað.
Vegagerðin greinir frá stöðu mála á Twitter og má sjá nýjustu fregnir hér fyrir neðan.